Rā

I mua tonu i te taenga mai o ngā kaka-rā o nāianei, i rārangatia e ngā wāhine me ngā kōtiro ngā rā mai i ngā rau pakari pērā ki te whara. (I ētahi wāhi, pērā i Hatawara, e taea tonutia e rātou te mahi pēnei.) Ka kohikohingia e rātou ngā rau roa me ngā rau pīngore PAPAKUPU pīngore - he māmā te whakapiko ēngari kia kaua e nohinohi rawa. Ka waihotia ki te whare wahine kia nui mō te hanga rā.

Ka noho ngā wāhine ki runga papa ki te raranga i ngā rau – pērā ki te raranga whāriki. Kātahi ka tapahia te rā ki te āhua e tika ana. Ko te taha o te rā i mahia ki pakari kia taea te kaupare i ngā hau pūkeri. Ka ako ngā kōtiro mā te mātakitaki kātahi ka parakitihi. Ko te raranga tētahi o ngā mahi ka ako i te whare wahine.

Te whakamautanga o te rā ki te Ama (Ngā Moutere o Māhara, Maikaranīhia)

Tekau ngā tuākana-tēina i te whakarite whakataetae waka hei whakatau ko wai ka tū hei Ariki mō te moutere o Jeh. I whakairotia e ia tama tētahi hoe pakari. Ka tū whakahīhī ngā tuākana me ō rātou pukenga ka whakanehea ngā tēina. Ko te potiki a Jabro, ka noho ngū.

Nō te tīmatanga o te whakataetae, ka tonoa ia tama e tō rātou whaea, a Liktanur māna tana whaea me āna utauta toimaha e hari ki runga i tōna waka. Kāore i whakaaea, ēngari mō Jabro, ahakoa tana mōhio ka poturi te haere o tana waka. Nā tana ngākau mahaki ka whakaakona ia e tōna whaea ki te whakamahi i te rā i roto rā anō hoki i ana utauta.

Ko Jabro ka toa, ā, ka whakaingoatia ia ko Jabro-Jelleilon, Iroij, te Kaihopu Hau. Nō te wehenga o ngā tama a Liktanur i tē ao kikokiko, ka haria rātou e tō rātou whaea ki te rangi. Ināianei, ko Liktanur te whetu tīramarama e tiaho iho ana i te rangi o runga o ngā Ngā Moutere o Māhara. E kitea ana ngā tama i tōna wāhi tika hei ārahi i ngā kaumoana. Kotahi anake te whetu e noho pātata ana ki a Liktanur, ko Jabro.