Mō Hatawara

Tūmomo moutere: he motu pāpaku, he wheo (ā-papawhenua): Ngā Moutere o Kararaina
(ā-tōrangapū): Iapi Mana ā-rohe
Mana ā-whenua: Te Kotahitanga o Maikaranīhia
Rahi: 1.3 koea km
Tokomaha: e 500 pea
Hāhi: Katorika
Kai Matua: He aro, he panana, he pōporo, kōkonati; ika ākau; ika moana.

He ōrite ngā kaiwhakatere o Hatawara ki ērā o ngā moutere Kararaina i tō rātou matatau ki te tirotiro whetū, hau, me ngā karekare o te moana hei tikanga haereere ki ngā moutere tawhiti. Kei te tākutai moana ngā tū momo whare waka (mō te tārai waka, hei whare rūrūhau hoki). Kei ētahi he waka whai mīhini i ēnei rā ēngari he nui rawa te utu o te penehīni.

Ko tā te wahine Hatawara he tiaki māra, ko tā te tāne, he hī ika. He kaimahi anō ētahi mō te Kāwanatanga i Iapi, te pokapū o te takiwā. Haere mai ai te kaipuke kāwanatanga ia rua marama pea, kawea mai ai i te raihi, te kawhe, te huka, te hopi, te kupenga hī ika, te raima, te aha noa.

Nō nākua tata nei ka tohia a Kenneth Urumolug, he tangata Hatawara, hei pirihi Katorika. Ka 1000 pea ngā manuhiri mai i ngā moutere noho tata mai. Kei waenganui o te tohinga tētahi wāhanga o te kawa pwo (te tohinga o te kaiwhakatere waka i whakahōutia mō tēnei tohinga pirihi nei), nā te tohunga whakatere waka, nā Mau Piailug i kawe. Kei runga o te kōpae nei ētahi wāhanga o te kawa.