Pōnipei, Maikaranīhia

He ōrite te motu o Ranga i te whanga o Pōnipei ki te moutere matua. Kei runga o te toka puia, he pai te oneone, he mātotoru ngā ngahere. Karapotitia ana e te tokarārangi. Ēngari he papatahi katoa i mua.

I ngā rā o neherā, he āwhā kino, ka tata horo katoa a Pōnipei. Nā te waipuke ka turakina ai ngā rākau, ngā toka, me ngā whare ki te moana. Ka kitea e tētahi wahine nō Ranga ko Riene Rangi te ingoa. Ka pīkia e ia tētahi toka nui rawa atu. Rewa atu ana ngā mea mai i Pōnipei, kapohia ana e ia, ka utaina ki runga o Ranga. Ka kore te waipuke, ka kitea e ia tāna hanga i tētahi motu he ōrite ki a Pōnipei.

Ngā Kōrero a ngā Iwi Moana

He maha ngā kōrero mō te tīmatatanga o ngā wāhi me ngā iwi. Pērā me te kōrero mahi huakanga, he maha ngā kōrero mō te waipuke, mō te whenua ngaro hoki … mō te whenua rānei i hīa mai i te moana. Ko ētahi anō mō te hoenga waka mai i pāmamao. Ko ētahi atu mō te iwi wairua whai mana ki te hanga whenua hōu.

Kei Aotearoa noa nei ngā tūmomo kōrero. Pērā me ētahi atu moutere o Polynesia, tērā rā anō ngā kōrero mō Māui. Mai i tana waka (Te Waka a Maui, Te Wai Pounamu), ka hīa ai e Māui ko Aotearoa (Te Ika a Maui). Tērā te kōrero mō Kupe, he kaiwhakatere, me ōna ūnga ki uta o ngā taha moana o te tai whakararo. Tērā anō ngā kōrero mō ngā waka i hoea mai i Hawaiki, i te kāinga tūturu. Tērā rā anō te kōrero mō Paikea, i ū mai ki te tai rāwhiti mā runga tohorā.

Pāngia mai ngā kōrero, he whakamārama anō ...