Whakataki tūranga waka mā te kāpehu

He rerekē tēnei momo whakataki i te tikanga etak a ngā kaiwhakatere o Kararaina.

1. I ngā wā o mua, mā te kāpehu hautō te kaiwhakatere pākehā e mōhio ai ki tana ahunga PAPAKUPU ahunga - te haerenga e whāia ai e te waka (he rerekē atu i te whakatikatanga o te haere) . Ka tātairia te roa i terea mā te whiu i tētahi mea ki te moana ka inehia te horo me te roa o te mahuetanga ki muri.

2. Ka tātairia te pā mai o te aronga PAPAKUPU aronga - te haerenga whakataha o te waka, mā te pupohi māi a te hau me ngā au PAPAKUPU au - te ahunga o ngā ngaru moana ki te ahunga me te horo.

3. Mā ēnei mōhiotanga ka tātairia PAPAKUPU tātairia - tatauria te tawhiti me te ahunga o te waka kua terea i roto o tētahi wā – hei tauira, ka 200km ki te 90 hurihanga (tika ki te rāwhiti) i roto i te 24 haora.

4. Kātahi rātou ka māka i te tūranga o te waka ki runga mahere me te whakarerekē i te ahunga mēna e hiahiatia ana.

I ēnei rā, nā te GPS i māmā ai te mahi! Ko te GPS tētahi rorohiko e mau ai ki te ringa hei whakaatu ki te kaiwhakatere te tūranga o te waka mā te pā atu ki te waka tawhio PAPAKUPU waka tawhio - he waka ātea e āwhioa haere nei i te Ao .