Kitenga whenua


Inā paki te rangi, ka taea te kite i ngā moutere pāpaku mai i te 15 km, ko ngā moutere teitei he tawhiti ake. Ko ngā tohu whenua e taea te kite mai i te 30 km neke atu rānei. Ko ngā momo tohu, ko te kararehe moana, ngā āmai PAPAKUPU āmai - he ngaru, nā ngā hau me ngā āwhā te karekare mai kua kokotihia, ngā kapua me te hīnātore.

Ka whakamahia e te kaiwhakatere ēnei tohu hei whakawhānui ake i te moutere e haerea ana. Ka aro atu ia ki te wāhi 60 km te tāwhā PAPAKUPU tāwhā - te roa mai i tētahi taha o te porowhita ki tētahi , ēngari mō te moutere iti noa iho. Kātahi ka pānuitia ngā tohu whenua. Ko ngā moutere nui ka tūhonotia kia hanga papa moutere, ā, neke atu i kotahi rau kiromita te tawhā.

Mō ia moutere, he rerekē ngā tohu, ka rerekē hoki te pānui a te kaiwhakatere. I te pō, mehemea kāore e āta mōhiotia ana te rohe e te kaiwhakatere, ka tukua iho te rā, ka tatari kia awatea te ū ki te whenua. Ka ū, tērā pea ka tere atu ki roto i te hau me te au.

Kia mutu rānō te haerenga roa, te hī ika roa rānei, he pōwhiri nui ka haere inā hoki pai mai te waka me ngā kawenga kai o runga.

Kuki Airani Dorice Reid, o Te Au o Tonga
Kuki Airani Dorice Reid, o Te Au o Tonga i te haerenga ki Nuku Hiva, Te Henua Enana (Ngā Moutere o Mākehā) i te tau 1995: Muia ana te rangi i te manu. I te rere whakarunga, whakararo anō nei e harakoakoa ana. I taua wā tonu i a mātou e rere ana ki tēnei whanga, kikī katoa ana te wai i te ika. Te tini me te mano o ngā aihe e kauhoe ana, e tūpekepeke ana i te tomokanga o te whanga. No reira, e toru ngā tūmomo koiora e harakoakoa ana. Tērā te ira tangata i te tākutai e kanikani ana e whakatangitangi ana i ana pahu, te tini manu e rererere whakarunga, ana, whakararo, he hākoakoa, me te ika. Te ika ki te whanga.

WHATAATA