Rā

Kāore i te āta tika ake te urungi i te rā i tō te pō, mā ngā ira mātārae mārama te kaiwhakatere e ārahi. Kāore hoki te rā e rite ki ngā whetū i te mea ka rerekē ngā wāhi whitinga me ngā wāhi tōnga i roto i te tau kotahi. He pai noa iho te rā mō te urungi i te atatū me te ahiahi pō.

Ia ata ka whakarārangihia te tūnga o te rā ki ngā whetū. Ka awatea ka āta tirohia e te kaiwhakatere te tūranga o te rā ki ngā wāhanga o te waka kia tātairia tāna whakaahunga. Ka tata te tōnga o te rā, ka tirohia anō kia mōhio ai kei whea te rā i taua wā. Ka mōhio ia ki te huarahi whetū e hāngai ana ki taua tūranga nei.