Te Tomokanga me te Taumata

I mua i Hatawara me Ngā Moutere o Kararaina, i tohia ngā tama ki te pwo (karakia tohi mō te kaiwhakatere) kia noho hei palu (kaiwhakatere i tomo). I aukatia e te Hāhi Katorika ngā mahi pwo e 50 tau ki muri nei. Kua rerekē haere tēnei, ā, ko ētahi wāhanga o te karakia e mahia anōtia ana.

E wha rā te roa o te pwo, engari ko te whakapakari mō ētahi marama anō. I roto i te pwo, ka noho ngā tama ki te whare waka, ā, kāre he pānga ki te wahine. Ka ako i ngā kōrero tapu e pa ana ki te mahi me te tūnga kaiwhakatere. I muri mai, he whakangahau nui ka whakaritea, he kanikani, he waiata te mahi. Whakaritea wehewehe ana ngā kai ā ngā tāne e ngā wāhine. Ka pania te palu ki te hinu, kātahi ka peitatia ki te tae kōwhai, he tikanga wairua nō tēnei. Ka whōatu e ngā whanau o te palu ngā tur (taonga raranga) ki te ahorangi. Ka haria atu e te ahorangi te ākonga i tana haerenga tuatahi ki tētahi moutere tawhiti. Tutuki ana e te ākonga, ka taea e ia ngā haerenga tawhiti ake. Kua kore nei te mesag (mataku).

Kei te taumata PAPAKUPU taumata - tūranga whakararo rawa o ngā kaiwhakatere te palu. He mātau, he pukenga matua, he whakawehi tō ngā Reb (tohunga whakatere). Kotahi anake te tangata o te moutere katoa ka eke ki te taumata kaiwhakatere matua. He tiriwhana ringa tōna, i ētahi wā e whakaatu ana i ngā huarahi whetū.

Lewis Repwanglug kaiwhakatere nō Hatawara
Ka 18 aku tau, ka tomokia au ki te pwo.
Kaipātai: 18? Kua haere moana mo te 4 tau i mua i te pwo. I konei i Hatawara?
Kaiwhakamāori: Āe.
Lewis; E rite ana ki a Roy Rogers, te kaupoai pupuhi tika o ngā kiriata. Taea ana e au ahakoa he aha te moutere!
Kaiwhakamāori: Ki tāna koinā i tino whakaū ai te hinengaro ki tāna e haere nei. Ko tana haerenga tuatahi ki Pikerote, ahakoa tauhou ki taua moutere nei, i tau tika ai, nō reira kāre ia e wehi ana ki te haere ki Puruwati, ki whea kē rānei.

WHATAATA