Te Tomokanga me te Taumata

I mua i Hatawara me Ngā Moutere o Kararaina, i tohia ngā tama ki te pwo (karakia tohi mō te kaiwhakatere) kia noho hei palu (kaiwhakatere i tomo). I aukatia e te Hāhi Katorika ngā mahi pwo e 50 tau ki muri nei. Kua rerekē haere tēnei, ā, ko ētahi wāhanga o te karakia e mahia anōtia ana.

E wha rā te roa o te pwo, engari ko te whakapakari mō ētahi marama anō. I roto i te pwo, ka noho ngā tama ki te whare waka, ā, kāre he pānga ki te wahine. Ka ako i ngā kōrero tapu e pa ana ki te mahi me te tūnga kaiwhakatere. I muri mai, he whakangahau nui ka whakaritea, he kanikani, he waiata te mahi. Whakaritea wehewehe ana ngā kai ā ngā tāne e ngā wāhine. Ka pania te palu ki te hinu, kātahi ka peitatia ki te tae kōwhai, he tikanga wairua nō tēnei. Ka whōatu e ngā whanau o te palu ngā tur (taonga raranga) ki te ahorangi. Ka haria atu e te ahorangi te ākonga i tana haerenga tuatahi ki tētahi moutere tawhiti. Tutuki ana e te ākonga, ka taea e ia ngā haerenga tawhiti ake. Kua kore nei te mesag (mataku).

Kei te taumata PAPAKUPU taumata - tūranga whakararo rawa o ngā kaiwhakatere te palu. He mātau, he pukenga matua, he whakawehi tō ngā Reb (tohunga whakatere). Kotahi anake te tangata o te moutere katoa ka eke ki te taumata kaiwhakatere matua. He tiriwhana ringa tōna, i ētahi wā e whakaatu ana i ngā huarahi whetū.

Jerome Rakilur kaiwhakatere nō Hatawara
Ko taku haerenga moana tuatahi, i haere au ki Piki i runga i te waka White Horse te ingoa, nō Weneito. Tokorima ngā tāne o runga. I a au e ako whakatere ana, e mahara ana ki tā rātou i kī mai ai, ‘Ki te haere koe mā runga waka, e kore koe e wehi. Me māia, kaua e wehi. Mēnā ko tō haerenga moana tuatahi, kitea ana e koe te moutere ka kore tō mataku.” Na, ko taku wā tuatahi ki Piki, ka nui taku mesag (mataku) kei mate moana ahau. He wehi hoki nōku i āku tāngata, kei rīria au e rātou. Ko taku haerenga moana tuatahi tērā. I muri mai, ka kore katoa taku wehi. He nui aku haerenga … ki Pikerote, ki Ramotereka. Kī mai aku mātua kēkē kia tau rawa au ki te moutere tuatahi, ka kore taku wehi. I muri i tērā, ka nui taku hiahia kia haere ki ngā moutere tawhiti ake, nā taku whakapono ka taea e au. I whakapono hoki ka taea e au te haere ki Woreai me Puruwati, ā, e kore e wehi.

WHATAATA