Te Tārai Waka

Kei te āhua tonu o te waka me ngā rauemi te hanga o te hiwi. Me nui ngā rākau kia hanga waka tikohu PAPAKUPU waka tikohu - he waka i hangaia mai i te tua ā waenganui o te rākau . Mō ngā moutere karekau ana he rākau nui, pērā ki ngā moutere o te hauāuru o Kiripati (o ngā moutere o Kiripato, Pīniki me Raina), ka waihangatia ngā wāhanga rākau kia noho ngātahi hei papa. Ko ētahi atu papa ka whiria mai i waenganui kia mārō te noho. I mua i ngā nērā rino, i pēnei hoki te hanga o ngā waka Rōmana me ngā waka o Ihipa.

Koinei te mahi tawhito rawa atu mō te hanga hiwi. O te ao katoa, ko ngā iwi o te Moana-nui-a-Kiwa ngā mea kua āta whakatikangia tēnei momo mahi, ā, nā tēnei mahi e taea ai e rātou te haere matara i te moana nui. Mā te whiri i ngā wāhanga kia ita, i pakari ai ngā waka o ngā iwi o te Moana-nui-a-Kiwa – ā, i pīngore PAPAKUPU pīngore - he māmā te whakapiko ai hoki. Inā whakatere, he pai ake te ngongo o ngā waka i ngā ngaru nui ki ngā waka mārō a te Pākehā.

Mehemea e whakamahia ana te waka mō te hī ika ki ngā muriwai, ki te kore rānei he hau pūkeri o taua wāhi (pērā ki ngā moutere Horomona) kāore he take o ngā rauawa kei ngā taha. Ēngari, ki te whakamahia mō te haere ki ngā moutere, ki ngā wāhi e nui ai ngā ngaru, me mau rauawa ki ngā taha. He mea waiwai te whakatautika mō ēnei momo waka. Ko te āhua o te hiwi, te tawhiti o ngā hiwi e rua (te hiwi me te ama rānei) me tino tika. Ko ngā whakairo o runga i ngā hiwi he tikanga hōhonu he mea whakairo hei tiaki i te waka.

Whakaahua © Hans-Dieter Bader

Te waka tauā o Aotearoa

I ngā wā o mua, ko ngā waka nunui hei waka tauā, kaua mō te haereere kē. Ko ngā waka taua tikohu o Aotearoa he mea hanga mai i ngā wāhanga nui e toru kua herea tahitia – te hiwi, te ihu, me te kei. He rauawa anō ki ngā taha o te hiwi tikohu. He whakairo nō ngā tauira o tōna iwi ka whakairongia ki te ihu me te kei.

Whakaahua © Peter McCurdy
Whakaahua © Te Huiteanaui-
A-Tangaroa

He uaua te whakamārama i te kiri mangō o tēnei waka awa me ētahi o ngā hiwi o Aotearoa ki te Pākehā. Mō ngā iwi moana, ka ngāwari ake, ka tere ake ai te hiwi mai i te kiri mangō.

Whakaahua © Peter McCurdy

Walap

Ka toru wāhanga anō o te waka walap o Ngā Moutere o Māhara, ēngari kāore i te herea pērā ki tā te Māori. He torutoru noa ngā rākau o aua moutere nei, nō reira he mahamaha anō ngā rauawa o ngā taha. Ka herea te ama ki te hiwi mā tētahi tikanga pīngore (he ngāwari, he māma te piko). Kia pēnei rawa, ka nuku ki te ngaru o te tai, ka ngāwari te eke, hei aha koa te hiwi matua. Ka kore e kaha rawa te tō i te waka, te kukume hoki ki roto o te wai, ka horo ake ai te waka. He mea whai mai tēnei tauira matatau e ngā kaihoahoa o te uru.

Whakaahua © Peter McCurdy
Whakaahua © Karen Nero

Waka o Hatawara

Pērā me te waka tauā o Aotearoa, hangaia ana te waka Hatawara ki ngā wāhanga e toru, ēngari he mea iti ake te take kāore i te nui ngā rākau o reira. Ka mutu ka maha atu anō ngā pōro rākau hei tahataha.

Whakaahua © Karen Nero

WHATAATA