Ngā Tikanga o Hatawara

Tungāne Moana

Whakaingoa katoatia ana e ngā kaiwhakatere ngā huarahi moana i waenga i ngā moutere me ngā ākau. Hei tauira, ko te tikanga o te tere i te Moana o Pīti e kīia ana e tere ana i waenga i a Woreai me Eauripiki i te huarahi whetū mai i te aranga o Hiku ( I Cassiopeia) ki te tōnga o Whaturua (Shaula i Scorpio). Ma ēnei ingoa, e hunaia ai i te tangata kē i ahu mai i whea! Ko tā te hunga tungāne moana, ka huia ngā huarahi moana e noho ana i te aronga tohu whetū. Hei tauira, i te huarahi mai i te aranga o Hiku ki te tōnga o Whaturua, he maha ngā huarahi moana. He tūhono ēnei i ngā moutere o Piharahi ki Puruhuka, o Pikerote ki Hatawara, o Whaiū ki te Uru ki Ramotereka, o Kawherutu ki Woreai, ā, (tirohia ki runga ake nei) o Woreai ki Eauripiki. Ki te wareware i te kaiwhakatere ngā aronga mai i Woreai ki Eauripiki, tērā pea ka mahara iho hei tungāne tēnei huarahi moana ki tō Whaiū ki te Uru -Ramotereka.